وزارت تحصیلات عالی از ایجاد 60 دیپارتمنت جدید در پوهنتون‌های دولتی و خصوصی خبر می‌دهد.
به نقل از آژانس باختر، در جلسه شورای عالی وزارت تحصیلات عالی که به ریاست شیخ‌الحدیث نداءمحمد ندیم دایر گردید، در ارتباط به ایجاد 11 برنامه دوکتورا، 36 برنامه ماستری، 15 برنامه لیسانس و 60 دیپارتمنت جدید در پوهنحی‌های موجود نهادهای تحصیلی مختلف امارتی و خصوصی فیصله‌های لازم به عمل آمد.
به گفتۀ دفتر مطبوعاتی وزارت تحصیلات عالی، شیخ‌الحدیث نداءمحمد ندیم، ضمن مهم خواندن شورای عالی وزارت تحصیلات عالی، ایجاد برنامه‌های جدید و تبربیت کادرهای علمی، اداری و مسلکی را ضرورت جامعه دانست.
گفتنی است که «شورای عالی تحصیلات عالی» بنا به حکم ریاست الوزراء به منظور تصمیم گیری در ارتباط به مسایل مهم علمی و آکادمیک تحت ریاست سرپرست وزارت تحصیلات عالی ایجاد گردیده است.
